'Zameen pe rehtay huay aasman pe chalna tha
Hadood-e-waqt se agay hamain nikalna hai

Qiyam karna hai ik pal kisi ki chaon mein
Phir is k baad hamain rasta badalna hai

Qadam qadam pe naye khof ki basharat hai
Rah-e-talab mein hamain gir k sambhalna hai

Sitaray doob gaye ik nye sehar k liye
Unhain khabar hai k suraj nya nikalna hai

Yeh roshni ka taqaza hai iski qeemat hai
Chirag jo bhi banay ga usay to jalna hai'