'Woh Kuch Sunta To Main Kehta, Mujhe Kuch Aur Kehna Tha
Woh Pal Bhar Ko Jo Ruk Jaata, Mujhe Kuch Aur Kehna Tha,

Ghalat-Fehnmi Ne Baaton Ko Barhaa Daala Yoon Hi Warna
Kaha Kuch Tha, Woh Kuch Samjha, Mujhe Kuch Aur Kehna Tha,

Kamaai Zindgi Bhar Ki Usi Kay Naam Kiyoon Kar Di
Mujhe Kuch Aur Karna Tha, Mujhe Kuch Aur Kehna Tha,

Kahaan us Ne Suni Meri, Suni Bhi Un-Suni Kar Di
Usay Maloom Tha Itna, Mujhe Kuch Aur Kehna Tha,

Mere Dil Mein Jo Darr Aaya, Koi Mujh Mein Bhi Dar Aaya
Waheen Ek Raabta Toota, Mujhe Kuch Aur Kehna Tha.'