'Fasley Qurb Ki Pehchan Hua Karte Hain
Besabab Log Pareshan Hua Karte Hain

Ye Haqeeqat Hai Jahan Toot Ke Chaha Jaye
Wahein Bicharne Ke Imkaan Hua Karte Hain

Mere Pheley Hoye Hathon Ko Haqarat Se Na Dekh
Mangne Wale Bhi Insaan Hua Karte Hain

Hum Bhi Sabir They Magar Hum Se Bicharne Wale
Hum Tere Zabt Pe Hairan Hua Karte Hain

Ghum Ki Shiddat Se To Koh-E-Saar Pighalte Dekha
Aur Phir Insaan To Insaan Hua Karte Hain

Zindagi Jin Ke Liye Jurm-O-Saza Ho Natiq
Ghar Bhi Un Ke Liye Zandan Hua Karte Hain'